ჭყონდიდის მიტროპოლიტი მეუფე პეტრე ცაავა არ გამორიცხავს, რომ მისი დაკავება განხორციელდეს. ამის შესახებ მეუფე პეტრემ გადაცემა “არჩევანში” ისაუბრა.
ჭყონდიდის მიტროპოლიტმა აღნიშნა, რომ ყველაფრისთვის მზადაა და ყველა განსაცდელს დიდსულოვნად შეხვდება.
“ისეთ ქვეყანაში, სადაც დეკანოზი გიორგი მამალაძეა დაკავებული, არაფერს გამოვრიცხავ. თვითონ მე ვუთხარი მთავარ პროკურორსაც და ქვეყნის პირველ პირსაც, რომ მამაომ მე მითხრა-მეთქი საპყრობილეში, შორენა თეთრუაშვილმა მომცა ფული, 500 დოლარი და დამავალა ციანიდის შოვნა და მერე უკვე იწყება აგენტ-პროვოკატორის ჩართულობა”, – აცხადებს მეუფე პეტრე.
მისი თქმით, დეკანოზს გერმანიაში უნდოდა შორენა თეთრუაშვილის ჩაწერა, რადგან მიხვდა, რომ მის ზურგს უკან მოქმედებდნენ.
კომენტარები