ბელგიის თავდაცვის სამინისტროს ერთ-ერთმა დანაყოფმა ქალაქ ელზენბორნეს სამხედრო ბაზის თავზე 15 უპილოტო საფრენი აპარატი აღმოაჩინა. ინფორმაციას ბელგიური მედია ქვეყნის თავდაცვის სამინისტროზე დაყრდნობით ავრცელებს.
მედიის ცნობით, დრონები სრულიად შემთხვევით, ახალი სისტემის შემოწმების დროს ნახეს. მომხდართან დაკავშირებით მიმდინარეობს გამოძიება.
ბაზის ფართობი, რომლის თავზე დრონები იპოვეს, 28 კვადრატული კილომეტრია. ეს არის ჯარის სამწვრთნელო ბანაკი, სადაც სასროლეთი არის და რეგულარულად სროლები იმართება.
სტატიის ავტორის განცხადებით, სამხედრო ბაზაზე დრონების აღმომჩენი სისტემის ტესტირება მიმდინარეობდა. ზუსტად ამ სისტემამ დააფიქსირა ამოუცნობი აპარატები.
ერთ-ერთი ვერსიის თანახმად, სამხედრო ბაზიდან დრონები გერმანიისკენ გაფრინდნენ, გადაკვეთეს საზღვარი, სადაც ისინი უკვე გერმანელმა სამართალდამცველებმა შენიშნეს.
საიდან გამოჩნდნენ დრონები ბელგიის საჰაერო სივრცეში და ვინ მართავდა მათ, ჯერჯერობით უცნობია, – წერს მედია.