ალბანეთის დედაქალაქ ტირანას სააპელაციო სასამართლოში მოსამართლე ასტრიტ კალაჯა მოკლეს. ინფორმაციას Associated Press-ი ავრცელებს.
ადგილობრივი პოლიციის განცხადებით, კალაჯა სხდომათა დარბაზში 30 წლის ბრალდებულმა ე.შ.-მ ცეცხლსასროლი იარაღიდან ესროლა. მოსამართლე საავადმყოფოში მიყვანამდე გარდაიცვალა.
გარდა ამისა, ბოროტმოქმედმა სასამართლო დარბაზში მყოფი კიდევ ორი ადამიანი დაჭრა. მათ სიცოცხლეს საფრთხე არ ემუქრება.
ინციდენტის შემდეგ ე.შ. მიიმალა, თუმცა სამართალდამცველებმა ის მალევე დააკავეს. ბრალდებულის პირადი ჩხრეკისას პოლიციამ ნივთმტკიცების სახით რევოლვერი ამოიღო.
მომხდარის მოტივი უცნობია.
კომენტარები