ევროკავშირის ქვეყნების ელჩები დღეს გამართული დახურული შეხვედრაზე შეთანხმდნენ, რომ რუსულ გაზსა და ნავთობზე უარს 2028 წლამდე იტყვიან. ინფორმაციას Reuters-ი ევროპელ დიპლომატებზე დაყრდნობით ავრცელებს.
მათი თქმით, აღნიშნულ გეგმას ევროკავშირის თითქმის ყველა ქვეყნის ელჩმა დაუჭირა მხარი. თუმცა მას უნგრეთი და სლოვაკეთი აკრიტიკებენ, რომლებიც დღემდე რუსული ნავთობის იმპორტს ეწევიან.
თუ კანონი ევროკავშირის დონეზე მიღებული იქნება, ის უნგრეთსა და სლოვაკეთს დაავალდებულებს შეიმუშაონ ეროვნული გეგმა 2028 წლისთვის რუსულ გაზსა და ნავთობზე უარის თქმის მიზნით და ბოლო მოუღონ ევროპის მრავალწლიან დამოკიდებულებას რუსულ წიაღისეულზე.
სააგენტოს ცნობით, ერთ-ერთ გადაუწყვეტელ საკითხად რჩება თხევადი გაზის შემოწმების აუცილებლობა, რათა მომავალში ევროკავშირში იმპორტირებული წიაღისეულის ეს სახეობა ნამდვილად არ აღმოჩნდეს რუსული.