დონალდ ტრამპი ბევრ რამეს ამბობს კამერასთან, მაგრამ სინამდვილეში მხდალია, მოდი და დამაკავე, – ასე გამოეხმაურა ჯეი რობერტ პრიცკერი დონალდ ტრამპის განცხადებას, სადაც აშშ-ის პრეზიდენტმა აღნიშნა, რომ ილინოისის გუბერნატორი უნდა დააპატიმრონ.
„ის მხდალია. ბევრ რამეს ამბობს კამერის წინ, უყვარს მკაცრი ბიჭის როლის თამაში. მოდი და დამიჭირე. მოდი და დამიჭირე“,– განაცხადა პრიცკერმა „ენბისისთან“ საუბრისას.
პრიცკერმა სოციალურ ქსელში დაწერა, რომ უკან დახევას არ აპირებს.
ამასთან, დონალდ ტრამპის განცხადებას, სადაც ის ამბობს, რომ ჩიკაგოს მერი უნდა დააკავონ, ბრენდონ ჯონსონი გამოეხმაურა.
„ეს არ არის პირველი შემთხვევა, როდესაც ტრამპი ცდილობს შავკანიანი მამაკაცის უსამართლოდ დაპატიმრებას. მე არსად წასვლას არ ვაპირებ“, – განაცხადა ჯონსონმა.
ცნობისთვის, აშშ-ის პრეზიდენტმა განაცხადა, რომ ჩიკაგოს მერმა, ბრენდონ ჯონსონმა და ილინოისის გუბერნატორმა, ჯეი რობერტ პრიცკერმა ვერ დაიცვეს აშშ-ის საიმიგრაციო და საბაჟო აღსრულების სამსახურის ოფიცრები და ამიტომ ისინი უნდა დააპატიმრონ.