აშშ-ის პრეზიდენტმა, დონალდ ტრამპმა განაცხადა, რომ „ბევრი“ ფედერალური თანამშრომლის დათხოვნას აპირებს მთავრობის მუშაობის შეჩერების საპასუხოდ და პირობა დადო, რომ მისი სამიზნე „დემოკრატიულ“ პარტიასთან დაახლოებული პირები იქნებიან.
„ბევრი ადამიანი იქნება. უნდა გითხრათ, ბევრი მათგანი „დემოკრატების“ მხარდამჭერები არიან“, – აღნიშნა აშშ-ის პრეზიდენტმა.
ტრამპს არ დაუკონკრეტებია, რამდენი თანამშრომელი გათავისუფლდება შემცირების ფარგლებში და არც ის დაუზუსტებია, თუ რა კრიტერიუმით მიიჩნევიან ისინი „დემოკრატების“ მხარდამჭერებად.
ამერიკის შეერთებულ შტატებში 1-ელ ოქტომბერს ახალი ფინანსური წელი დაიწყო, თუმცა კონგრესმა ბიუჯეტის შეთანხმება ვერ მოასწრო, რის გამოც მთავრობა მუშაობას ვერ აგრძელებს.
„შათდაუნი“ გულისხმობს სახელმწიფო დაწესებულებების ნაწილის მუშაობის შეჩერებას, რომლებიც უშუალოდ კონგრესის მიერ ფინანსდება.