საჭირო გზავნილი მივიღე, რომ აშშ ჩვენი თანამშრომლობის გაძლიერების შესაძლებლობებს განიხილავს, – ამის შესახებ უკრაინის პრეზიდენტმა, ვოლოდიმირ ზელენსკიმ აშშ-ის პრეზიდენტ დონალდ ტრამპთან სატელეფონო საუბრის შემდეგ, ყოველდღიურ ვიდეომიმართვაში განაცხადა.
„დონალდ ტრამპს, ჩვენი ენერგეტიკის სექტორის, ჩვენი საჰაერო თავდაცვის შესაძლებლობების გაძლიერების გზების შესახებ დეტალურად ვესაუბრე. ასევე, ვაცნობე ოდესასა და სხვა ქალაქებში არსებული ვითარების შესახებ. მადლიერი ვარ, მისი დახმარების სურვილისთვის. მსოფლიო ხედავს, რას აკეთებს რუსეთი და როგორ ცდილობს ისარგებლოს იმით, რომ მსოფლიო ლიდერები ახლო აღმოსავლეთში ომის დასრულებაზე არიან ორიენტირებული“, – აღნიშნა ვოლოდიმირ ზელენსკიმ.
უკრაინის პრეზიდენტი იმედოვნებს, რომ შეერთებული შტატები და სხვა პარტნიორები რუსეთზე ზეწოლას გააგრძელებენ.
„სამწუხაროდ, რუსეთი ტერორისტია, რომელიც ყველა შესაძლებლობას ეძებს უფრო ძლიერი დარტყმისთვის – განსაკუთრებით მაშინ, როდესაც გლობალური ყურადღება სხვაგან არის მიმართული. ვიმედოვნებთ, რომ ამერიკა და ყველა ჩვენი პარტნიორი, გადამწყვეტ მოქმედებას და ძლიერ ზეწოლას გააგრძელებენ, რათა ჩვენმა ხალხმა იგრძნოს მხარდაჭერა“, – განაცხადა ზელენსკიმ ვიდეომიმართვაში.