საფრანგეთის პრემიერ-მინისტრმა, სებასტიან ლეკორნუმ ახალი მთავრობა წარადგინა, ორი დღის შემდეგ, რაც თანამდებობაზე ხელახლა დაინიშნა.
ახალი კაბინეტი როგორც საჯარო მოხელეებისგან, ისე პოლიტიკოსებისგან შედგება. მათ შორის არიან ისინიც, ვინც ლეკორნუმ გასულ კვირას, მთავრობის ფორმირების პირველი მცდელობისას მიიწვია.
თანამდებობებზე დარჩნენ: იუსტიციის მინისტრი ჟერალდ დარმანი, ბიუჯეტის მინისტრი ამელი დე მონშალენი, საგარეო საქმეთა მინისტრი ჟან-ნოელ ბაო და ეკონომიკისა და ფინანსთა მინისტრი როლან ლესკური. კონსერვატორი კატრინ ვოტრენი, რომელიც საფრანგეთის ყოფილი პრემიერ-მინისტრის ფრანსუა ბაირუს დროს ჯანდაცვისა და შრომის მინისტრის პოსტს იკავებდა, შეიარაღებული ძალების მინისტრი გახდა. ენი ჟენევარი და რაშიდა დატი სოფლის მეურნეობისა და კულტურის მინისტრების თანამდებობებზე დარჩებიან.
პარიზის პოლიციის უფროსი ლორან ნიუნესი შინაგან საქმეთა მინისტრის თანამდებობას დაიკავებს.
„დაინიშნა მთავრობა, რომლის მიზანია, წლის ბოლომდე შეადგინოს საფრანგეთის ბიუჯეტი“, – წერს ლეკორნუ სოციალურ ქსელში.
ცნობისთვის, მანმადე საფრანგეთის პრეზიდენტმა, ემანუელ მაკრონმა გადადგომიდან სულ რაღაც ოთხი დღის შემდეგ, ყოფილი პრემიერ-მინისტრი სებასტიან ლეკორნუ თანამდებობაზე ხელახლა დანიშნა.