გაეროს უშიშროების საბჭომ სირიის პრეზიდენტს, აჰმედ ალ-შარაას სანქციები მოუხსნა, რომელიც ორშაბათს აშშ-ის პრეზიდენტს, დონალდ ტრამპს თეთრ სახლში უნდა შეხვდეს. ინფორმაციას ამის შესახებ სააგენტო Reuters-ი ავრცელებს.
აშშ-ის მიერ შემუშავებულმა რეზოლუციამ სანქციები სირიის შინაგან საქმეთა მინისტრს, ანას ხათაბსაც მოუხსნა. მას 14-მა ქვეყანამ დაუჭირა მხარი, ხოლო ჩინეთმა თავი შეიკავა.
ვაშინგტონი თვეების განმავლობაში მოუწოდებდა უშიშროების საბჭოს 15 წევრს, შეემსუბუქებინათ სირიის წინააღმდეგ სანქციები.
კომენტარები