ლევან ნიკოლეიშვილი „დღის ქრონიკაში“ ალეკო ელისაშვილის მიერ თბილისის საქალაქო სასამართლოს კანცელარიის შენობის დაწვის მცდელობის ფაქტს გამოეხმაურა. „ერთიანი ნეიტრალური საქართველოს” წევრი აღნიშნავს, რომ მისი ქმედება კრიმინალურია.
„ეს არ არის პოლიტიკოსის საქციელი, ეს უფრო კრიმინალური ქმედებაა. თუკი წარსულში მის ქმედებებს შევაფასებთ, შეგვიძლია თამამად ვთქვათ, რომ ეს ადამიანი პოლიტიკურ ველს დაშორებულია.
მას ეტყობა ამ ქმედებით უნდოდა ვიღაცისთვის თავისი თავი შეეხსენებინა და მეორი, როგორც ჩანს,მას აქვს გარკვეული ვალდებულებები უცხოელებთან და უნდოდა მათთვის ეჩვენებინა, რომ ყველაფერს აკეთებს, რომ პროტესტი გამოხატოს“, – აღნიშნა ლევან ნიკოლეიშვილმა.
მისი თქმით ალეკო ელისაშვილი ცნობილია ავანტიურისტული ქმედებებით.
„ყველა მისი ქმედება განპირობებული იყო ერთი რამით, რომ ეს უნდა ყოფილიყო პოპულისტური ქმედება, დაენახვებინა ადგილობრივი და გარე აქტორებისთვის, რომ ის რაღაცას წარმოადგენს და თითქოს პოლიტიკური ვაჟკაცობის ელემენტი გააჩნია“, – აღნიშნა ლევან ნიკოლეიშვილმა.
კითხვაზე, ვინ იყო ალეკო ელისაშვილის დამკვეთი, „ერთიანი ნეიტრალური საქართველოს” წევრი აცხადებს, ეს იყო ევროკავშირი.
„მათ, ასეთი ქმედებები საქართველოში არასდროს დაუგმიათ. მათი მხრიდან ადეკვატურად არ შეფასება იმ ძალადობრივი აქტებისა, რაც საქართველოში ხორციელდებოდა, ეს არის ნიშანი, რომ ასეთ ქმედებებს ისინი ახალისებენ“, – აღნიშნა ლევან ნიკოლეიშვილმა.
სასამართლოს კანცელარიის დაწვისა და დაზიანების ფაქტზე დაკავებული ალეკო ელისაშვილი დიღმის იზოლატორშია მოთავსებული.
შსს-ს ინფორმაციით, დაკავებულია კოალიცია „ძლიერი საქართველო – ლელოს” ერთ-ერთი ლიდერი, ალექსანდრე ელისაშვილი, რომელმაც დღეს დილით, გამთენიისას, თბილისის საქალაქო სასამართლოს კანცელარიის შენობის დაწვა სცადა.