ალეკო ელისაშვილს ბრალს სავარაუდოდ, დღეს წარუდგენენ. გამოძიება დანაშაულის მცდელობის, ნივთის დაზიანების ან განადგურების მუხლებით მიმდინარეობს. დანაშაულს აღიარებს თავად ელისაშვილი.
გუშინ გამთენიისას, შენიღბულმა, ცეცხლსასროლი იარაღითა და ჩაქუჩით შეიარაღებულმა ელისაშვილმა საქალაქო სასამართლოს კანცელარიის შენობაში შეაღწია და არსებულ ინფრასტრუქტურას ბენზინი დაასხა. ის ფაქტზე მანდატურებმა დააკავეს. შემთხვევის შედეგად ფიზიკური დაზიანება მიიღო მანდატურის სამსახურის თანამშრომელმა.
მმართველი გუნდი ელისაშვილის ქმედებას ტერორიზმის მცდელობად აფასებს, მის წახალისებაში კი უცხოელი აქტორების როლს ხედავს.
კომენტარები