ეს აღარაა თინეიჯერი აკაცუკების „უწყინარი პერფორმანსები” – ეს არის “ზრდასრულების” ცეცხლთან სახიფათო თამაში. ჩვენ გვახსოვს უკრაინელების ხელითვე არაერთი სამხედრო პროვოკაცია იმავე პოლონეთის თუ ბალტიისპირეთის მისამართით, რომელსაც მსხვერპლიც კი მოჰყვა – რათა რუსეთს დაჰბრალდებოდა, სამხედრო კონფლიქტში NATO-ს ჩათრევის მიზნით. დასავლეთის მიმართულებით რაც გინდა ის გითამაშიათ, – ასე ეხმიანება „ხალხის ძალის“ წევრი დავით ქართველიშვილი, სახელმწიფო უსაფრთხოების სამსახურის განცხადებას, სადაც ნათქვამია, რომ ინფორმაცია, თითქოს უკრაინის დაზვერვის მასალებით საქართველოს ტერიტორიაზე არსებობს რუსეთის ფედერაციის შეიარაღებული ძალების სპეციალური უსაფრთხო კომუნიკაციის ტერმინალების ქსელები, სიმართლეს არ შეესაბამება.
„იმედია, ესეც იქნება მორიგი სისხლის სამართლის უმძიმესი მუხლებით განსახილველი პროვოკაცია, როდესაც არარსებულ ფაქტებზე დაყრდნობით, ფაქტიურად საქართველოს დაბომბვას ითხოვდნენ უკრაინისგან. ფაქტიურად, რაც მინი მასშტაბით ელისაშვილმა იკადრა – მაქსიმასშტაბით ქვეყნის ალში გახვევას ცდილობდნენ უსამშობლოები. ვერ მიაღწიეს რა, რუსეთის წინააღმდეგ “მეორე ფრონტის” გახსნას – უკრაინას სთავაზობდნენ “მეორე ფრონტის” გახსნას უკვე საქართველოს წინააღმდეგ. არც ერთი მსგავსი მცდელობა არ უნდა დარჩეს პასუხგაუცემელი და დაუსჯელი. ეს აღარაა თინეიჯერი აკაცუკების “უწყინარი პერფორმანსები” – ეს არის “ზრდასრულების” ცეცხლთან სახიფათო თამაში. ჩვენ გვახსოვს უკრაინელების ხელითვე არაერთი სამხედრო პროვოკაცია იმავე პოლონეთის თუ ბალტიისპირეთის მისამართით, რომელსაც მსხვერპლიც კი მოჰყვა – რათა რუსეთს დაჰბრალდებოდა, სამხედრო კონფლიქტში NATO-ს ჩათრევის მიზნით. დასავლეთის მიმართულებით რაც გინდა ის გითამაშიათ – საქართველოს შეეშვით!“, – წერს ქართველიშვილი სოციალურ ქსელში.