[BBC-ის] საინფორმაციო თავდასხმა პირდაპირ რეპუტაციულად ურტყამს საქართველოს, თანაც BBC-ი გლობალურად ყველაზე ცნობადი და რეიტინგული მედიასაშუალებაა. მისი გავლენები ძალიან დიდია და შემთხვევითი არ არის, რომ სწორედ ასეთი მედიასაშუალებიდან ხდება დაბრალება, – განაცხადა „დღის ქრონიკაში“ ისტორიკოსმა, ნუკრი შოშიაშვილმა BBC-ის სტატიასთან დაკავშირებით.
მისი თქმით, მსგავს პრეტენზიას უყენებდნენ სადამ ჰუსეინს და შემდეგ აღმოჩნდა, რომ უსაფუძვლოდ.
„როდესაც მზადდებოდა ინტერვენცია, სანქციები, ან გაშავება რომელიმე ისეთი ხელისუფლების, რომელიც დასავლეთის რომელიმე სახელმწიფოს, ან ზოგადად დასავლეთს არ მოსწონდა, მიდიოდა „ფეიკ“ საინფორმაციო ომი. მიზანია, რომ არსებული ხელისუფლების დისკრედიტაცია მოხდეს. ეს კი შესაძლებელი იქნება მაშინ, თუ ხელისუფლებამ ჩაიდინა არნახული დანაშაული, პირველი მსოფლიო ომისდროინდელი გაზი გამოიყენა საკუთარი მოსახლეობის წინააღმდეგ. ეს საკმარისია იმისთვის, რომ საქართველო საერთაშორისო იზოლაციაში აღმოჩნდეს.
ასეთი [BBC-ის] საინფორმაციო თავდასხმა პირდაპირ რეპუტაციულად ურტყამს საქართველოს, თანაც BBC-ი გლობალურად ყველაზე ცნობადი და რეიტინგული მედიასაშუალებაა. მისი გავლენები ძალიან დიდია და შემთხვევითი არ არის, რომ სწორედ ასეთი მედიასაშუალებიდან ხდება დაბრალება. მსგავს პრეტენზიას უყენებდნენ სადამ ჰუსეინს და შემდეგ აღმოჩნდა, რომ უსაფუძვლოდ. სადამ ჰუსეინს არ ჰქონდა მედიარესერურსები.
ახლა სხვა გარემოში ვცხოვრობთ, ვცხოვრობთ ინტერნეტ ეპოქაში, როდესაც ასეთმა დიდმა მედიებმა გარკვეულწილად რეპუტაციული დარტყმა მიიღეს. უფრო მეტი საშუალება გვაქვს, რომ საკუთარი თავი დავიცვათ ახლა. უამრავი საშუალება გვაქვს, რომ ამ გამოწვევას ვუპასუხოთ. კარგია რასაც ხელისუფლება აკეთებს, რომ დაიწყო გამოძიება, რომელიც ბოლომდე უნდა მივიდეს და ყველა საერთაშორისო მედიაში გავრცელდეს. ჩვენი კოზირი არის ის, ევროკავშირი გვყავს მოკავშირეები და შეგვიძლია საინფორმაციო ომს პასუხი გავცეთ“, – აღნიშნა შოშიაშვილმა.
BBC-ის რესპონდენტებმა რიტორიკა შეცვალეს. მათი თქმით, საგამოძიებო ფილმში ნახსენები ქიმიური ნივთიერების გამოყენების საკითხი საერთოდ არ უკვლევიათ. სახელმწიფო უსაფრთხოების სამსახურში მიმდინარე გამოძიების ფარგლებში, გამოძიების კითხვებს იმ ადამიანებმა უპასუხეს, რომელთა ინფორმაციას და კვლევას BBC დაეყრდნო.