დონალდ ტრამპი და მისი ადმინისტრაცია ევროპაზე იმას საუბრობს, რასაც ჩვენ წლების განმავლობაში ვსაუბრობდით, – განაცხადა „დღის ქრონიკაში“ პარლამენტის ფრაქცია „ქართული ოცნების“ წევრმა, ირაკლი ჭეიშვილმა.
„დღეს მოვისმინე მიუნხენის უსაფრთხოების კონფერენციის თავმჯდომარის განცხადება, რომ უკრაინაში ომის დასრულება არ ნიშნავს ევროპაში სიმმვიდესო. ამ ადამიანს მხოლოდ მადლობა უნდა ვუთხრათ, რადგან 3-4 წლის განმავლობაში ამაზე ვსაუბრობდით ჩვენ. ამ ადამიანმა ის თქვა, რასაც ჩენ წლების განმავლობაში ვამბობდით, რომ უკრაინის ხელით აწარმოებდნენ რუსეთთან ომს და ზუსტად რომ საქართველოს ხელით უნდოდათ ეწარმოებიათ რუსეთთან ომი. ერთი ოფიციალური ევროპელი ჯარისკაცი არ ომობს უკრაინაში რუსეთის წინააღმდეგ. კიდევ ერთხელ აეხადა ფარდა, რომ ევროპა და დანარჩენი მსოფლიო, განსაკუთრებით ბაიდენის ადმინისტრაცია სხვისი ხელით აწარმოებდა ომს რუსეთთან“, – აღნიშნა ჭეიშვილმა.
მიუნხენის უსაფრთხოების საერთაშორისო კონფერენციის ყოფილმა თავმჯდომარემ, ვოლფგანგ იშინგერმა განაცხადა, რომ ვიდრე უკრაინა ომობს, ევროპა უსაფრთხოდ არის.