პარტია „ერთიანი ნეიტრალური საქართველოს“ აღმასრულებელმა მდივანმა ვატო შაქარიშვილმა „დღის ქრონიკაში“ საქართველოს პრემიერ-მინისტრის, ირაკლი კობახიძის აშხაბადში ვიზიტი შეაფასა და აღნიშნა, რომ პრემიერის ვიზიტი არის სუვერენული სახელმწიფოს მეთაურის ნაბიჯი.
„ეს არის სწორედ ის რეგიონი, რომელთან თანამშრომლობაც ჩვენს ქვეყანას მოუტანს ბევრ სარგებელს. საქართველოში, მოსახლეობის გარკვეულ ნაწილს დააჯერეს, რომ მიზანმიმართულად კეთდებოდა, რომ საქართველოს ეკონომიკური განვითარება ყოფილიყო კონტროლირებადი, რეგულირებადი ვაშინგტონისა და ბრიუსელის მიერ იმისთვის, რომ ჩვენს ქვეყანას არ მისცემოდა საშუალება გაძლიერებულიყო ეკონომიკურად, რადგან ეკონომიკური გაძლიერება შემდგომში უზრუნველყოფს ქვეყნის სუვერენული პოლიტიკის წარმოებას, შემდგომ რთული ხდება მისი კონტროლი და შიდა საქმეებში ჩარევა და ეს რა თქმა უნდა შესაბამის ძალებს არ აწყობდათ“, – აღნიშნა შაქარაშვილმა.
საქართველოს პრემიერ-მინისტრი, ირაკლი კობახიძე ოფიციალური ვიზიტი თურქმენეთში იმყოფებოდა. მთავრობის მეთაური მშვიდობისა და ნდობის წლისადმი მიძღვნილ საერთაშორისო ფორუმში მიიღო მონაწილეობა, რომელიც თურქმენეთის მუდმივი ნეიტრალიტეტის 30 წლის იუბილესთან დაკავშირებით გაიმართა.