„ნაციონალურ მოძრაობას“ არა მარტო წარსულში ჰქონდა რუსეთთან და მის სპეცსამსახურებთან კავშირები, არამედ დღესაც აქვს და არც უარყოფენ ამ ყველაფერს, – განაცხადა „ხალხის ძალის“ აღმასრულებელმა მდივანმა გურამ მაჭარაშვილმა.
დეპუტატი ამ საკითხთან დაკავშირებით ლევან მაჭავარიანის მიერ გამოქვეყნებულ ვიდეო-კოლაჟს გამოეხმაურა.
„ერთ-ერთი მათგანი დღემდე იღებს რუსეთის ფედერაციის ბიუჯეტიდან თანხებს და არც მალავს ამას, უბრალოდ ცდილობს გაამართლოს ხოლმე, რომ რატომღაც რუსეთის ფედერაციის ბიუჯეტიდან მილიონობით რუბლები რომ ირიცხება, თურმე ამის გამართლება შესაძლებელია, რომელსაც მერე თავისი ინტერესებიდან გამომდინარე იყენებენ“, – აღნიშნა მაჭარაშვილმა.
ვისაც დაგაჯერეს, რომ ნაცი „პროდასავლელია“ – ამ სათაურით ფრაქცია „ქართული ოცნების“ თავმჯდომარის მოადგილემ, ლევან მაჭავარიანმა ვიდეო-კოლაჟი გამოაქვეყნა, სადაც ასახულია „ნაციონალური მოძრაობის“ წევრების კავშირები და ინტერესები რუსეთთან.