აშშ-ის მთავრობამ დაიწყო ვენესუელური ნედლი ნავთობის რეალიზაცია გლობალურ ბაზარზე აშშ-ის, ვენესუელისა და ჩვენი მოკავშირეების სასარგებლოდ, – განაცხადესაშშ-ის ენერგეტიკის დეპარტამენტში.
„ჩვენ ჩავრთეთ მსოფლიოს წამყვანი სავაჭრო კომპანიები და ძირითადი ბანკები, რათა განვახორციელოთ და ფინანსურად უზრუნველვყოთ ნედლი ნავთობისა და ნავთობპროდუქტების ეს გაყიდვები“, – აღნიშნულია განცხადებაში.
უწყებაში აღნიშნავენ, რომ „ვენესუელური ნედლი ნავთობისა და ნავთობპროდუქტების გაყიდვიდან მიღებული მთელი ამონაგები, თავდაპირველად, განთავსდება აშშ-ის მიერ კონტროლირებად ანგარიშებზე მსოფლიოში აღიარებულ ბანკებში, რათა გარანტირებული იყოს ამ თანხების საბოლოო განაწილების ლეგიტიმურობა და გამჭვირვალობა“.
„ეს სახსრები აშშ-ის მთავრობის შეხედულებისამებრ გაიცემა ამერიკელი და ვენესუელელი ხალხის სასარგებლოდ. ნავთობის გაყიდვები დაუყოვნებლივ იწყება და მოსალოდნელია დაახლოებით 30-დან 50 მილიონამდე ბარელის რეალიზაცია. ეს პროცესი განუსაზღვრელი ვადით გაგრძელდება. ვენესუელაში ნავთობის შეტანა და იქიდან გატანა განხორციელდება მხოლოდ ლეგიტიმური და ავტორიზებული არხებით, აშშ-ის კანონმდებლობისა და ეროვნული უსაფრთხოების ინტერესების შესაბამისად“, – ნათქვამია განცხადებაში.