ევროკავშირისთვის მიუღებელია საერთაშორისო სამართლის დარღვევები – იქნება ეს კვიპროსში, ლათინურ ამერიკაში, გრენლანდიაში, უკრაინასა თუ ღაზაში, – განაცხადა ევროპული საბჭოს პრეზიდენტმა, ანტონიუ კოშტამ ევროკავშირის საბჭოს კვიპროსის თავმჯდომარეობის გახსნის ცერემონიაზე.
„ევროპა არ არის მხოლოდ გეოგრაფიული ცნება – ის ღირებულებების ერთობაა. ჩვენი კოლექტიური ძალა ეფუძნება აყვავებულ ეკონომიკასა და თავდაცვაში გაზრდილ ინვესტიციებს – დიახ. თუმცა, უპირველეს ყოვლისა, იგი დამოკიდებულია იმ თანმიმდევრულობაზე, რომლითაც ჩვენ ამ ღირებულებებს ვიცავთ. სწორედ ამიტომ, ევროკავშირისთვის მიუღებელია საერთაშორისო სამართლის დარღვევები – იქნება ეს კვიპროსში, ლათინურ ამერიკაში, გრენლანდიაში, უკრაინასა თუ ღაზაში“, – აღნიშნა ანტონიუ კოშტამ.
„გრენლანდიასთან დაკავშირებით, ნება მომეცით ვიყო მკაფიო: გრენლანდია მის ხალხს ეკუთვნის. დანიასა და გრენლანდიასთან დაკავშირებით ვერაფერი გადაწყდება დანიის ან გრენლანდიის გარეშე. მათ აქვთ ევროკავშირის სრული, მტკიცე მხარდაჭერა და სოლიდარობა. ევროპა დარჩება საერთაშორისო სამართლისა და მულტილატერალიზმის მტკიცე და ურყევ დამცველად“, – დასძინა ევროპული საბჭოს პრეზიდენტმა.