“დანიის გულშემატკივარი ვარ, მაგრამ ის ფაქტი რომ 500 წლის წინ მათი ნავი იქ ნაპირს მიადგა, არ ნიშნავს რომ ისინი ფლობენ ამ მიწას”

დანიის გულშემატკივარი ვარ, ისინი ჩემ მიმართ ძალიან კეთილგანწყობილნი არიან, მაგრამ ის ფაქტი, რომ 500 წლის წინ მათი ნავი იქ ნაპირს მიადგა, არ ნიშნავს, რომ ისინი ფლობენ ამ მიწას, – განაცხადა აშშ-ის პრეზიდენტმა, დონალდ ტრამპმა.

„[გრენლანდია] ჩვენ გვჭირდება, რადგან ახლა გრენლანდიის მიღმა თუ გაიხედავთ, იქ ყველგან რუსული გამანადგურებლებია, ჩინური გამანადგურებლებია, რუსული წყალქვეშა ნავებია. ჩვენ არ დავუშვებთ, რომ რუსეთმა ან ჩინეთმა მოახდინონ გრენლანდიის ოკუპაცია, არადა სწორედ ამას იზამენ ისინი, თუ ჩვენ არ ვიმოქმედებთ. ასე რომ, ჩვენ გრენლანდიასთან დაკავშირებით რაღაცას მოვიმოქმედებთ – ან კარგი გზით, ან უფრო რთული გზით“, – დასძინა მან.