ევროპა ახლა სხვა ადგილია, ევროპა იცვლება, ევროპამ უნდა მოიკრიბოს ძალები, მე მიყვარს ევროპა, – ამის შესახებ აშშ-ის პრეზიდენტმა, დონალდ ტრამპმა განაცხადა.
მისივე თქმით, ევროპაში საიმიგრაციო პოლიტიკასთან დაკავშირებით ფრთხილად უნდა იყვნენ.
„ევროპა უკრაინისთვის ბევრს აკეთებს, მაგრამ ეს საკმარისი არ არის. პრეზიდენტ პუტინს ევროპის არ ეშინია, მას ეშინია ამერიკის შეერთებული შტატების, რომელსაც მე ვხელმძღვანელობ. იცით, ევროპა ჩამორჩა. ევროპასთან დაკავშირებით ჯეი დი ვენსმა ძალიან მკაცრად თქვა, ის გააკრიტიკეს, თუმცა ჩემგან კრიტიკა არ ყოფილა.
ევროპა ახლა სხვა ადგილია, ევროპა იცვლება, ევროპამ უნდა მოიკრიბოს ძალები. მე მიყვარს ევროპა. ვფიქრობ, არსებითად ევროპიდან მოვდივარ. ჩემი ფესვები ევროპიდანაა. ახლა მათ თქვეს, რომ ჰყავთ ნატო-ს შესანიშნავი ლიდერი და ხარჯები მშპ-ის 2%-დან 5%-მდე გაზარდეს. ეს დიდი ნაბიჯია, მაგრამ ისინი ძალიან ფრთხილად უნდა იყვნენ თავიანთ საიმიგრაციო პოლიტიკასთან დაკავშირებით. უბრალოდ ვიტყვი, რომ ევროპაში ბევრი მნიშვნელოვანი ადგილია, რომელსაც უკვე ვეღარ იცნობთ. მე ძალიან დიპლომატიურად ვამბობ ამას, მათ ვეღარ იცნობთ“, – განაცხადა დონალდ ტრამპმა.