ირანის უზენაესმა ლიდერმა, აიათოლა ალი ხამენეიმ დადებითად შეაფასა ხელისუფლების მიერ ორგანიზებული პროსამთავრობო გამოსვლები, რომლებიც ქვეყანაში მიმდინარე ორკვირიანი საპროტესტო აქციების საპასუხოდ გაიმართა. ინფორმაციას ამის შესახებ ფრანგული გამოცემა Le Monde-ი ავრცელებს.
მისი განცხადებით, ხალხის მასობრივი ჩართულობა პირდაპირი „გაფრთხილებაა“ ამერიკის შეერთებული შტატებისთვის.
ირანის სახელმწიფო ტელევიზიის ინფორმაციით, ხამენეიმ აღნიშნა, რომ ეს იყო მკაფიო გზავნილი ვაშინგტონის მისამართით.
„ეს იყო გაფრთხილება ამერიკელი პოლიტიკოსებისთვის, რათა შეწყვიტონ თავიანთი მაცდური მანევრები და ნუ დაეყრდნობიან მოღალატე დაქირავებულებს“, – განაცხადა ირანის უზენაესმა ლიდერმა.
ირანის ლიდერის თქმით, „გადაწყვეტილებით აღსავსე ამ მასობრივმა შეკრებებმა ჩაშალა საგარეო მტრების გეგმები“.