რუსეთის შეიარაღებულმა ძალებმა გვიან ღამით დრონებით უკრაინის ქალაქი კრივი რიჰი დაბომბა, რის გამოც მოსახლეობა ელექტროენერგიისა და გათბობის გარეშე დარჩა. ინფორმაციას ქალაქის თავდაცვის საბჭოს თავმჯდომარე ალექსანდრე ვილკული ავრცელებს.
„45 ათასზე მეტ ადამიანს ელექტროენერგია ავარიულად გაეთიშა და 700-ზე მეტი სახლი გათბობის გარეშე დარჩა“, – აცხადებს ვილკული.
ის მოქალაქეებს მოუწოდებს შეძლებისდაგვარად წყალი მოიმარაგონ.
„ქალაქის წყალკანალის სატუმბები გენერატორებზე გადაერთნენ. წყალს სისტემაში ვინარჩუნებთ, თუმცა წნევა დაბალი იქნება“, – აღნიშნა მან.
ვილკულის თქმით, ქალაქში არ იმოძრავებს ტრამვაი.
კომენტარები