პოლიტიკურ საკითხებში თეთრი სახლის ადმინისტრაციის უფროსის მოადგილის სტივენ მილერის განცხადებით, დანიელებს სურთ, რომ ამერიკელებმა ასობით მილიარდი დოლარი დახარჯონ გრენლანდიის დასაცავად, რომელიც ალასკაზე 25%-ით დიდია, რაც დიდ ხარჯებთან არის დაკავშირებული.
„მათ [დანიელებს] სურთ, რომ ჩვენ ასობით მილიარდი დოლარი დავხარჯოთ მათი ტერიტორიის დასაცავად, რომელიც ალასკაზე 25%-ით დიდია და ამერიკელებისთვის დიდ ხარჯებთან არის დაკავშირებული. ისინი [ამერიკელები] ამბობენ: „რატომ ვაკეთებთ ამას, თუ ის 100%-ით დანიას ეკუთვნის?“. ეს ცუდი, უსამართლო გარიგებაა. ეს უსამართლოა და რაც ყველაზე მთავარია ამერიკელი გადასახადების გადამხდელებთან მიმართებით, რომლებიც თაობების განმავლობაში ევროპის თავდაცვის სისტემას აფინანსებენ. ამერიკული დოლარი, სიმდიდრე, სისხლი, საზრიანობა ევროპას და მსოფლიოს უსაფრთხოს ქმნის“, – თქვა მილერმა Fox News-თან საუბრის დროს.