ეს არის მათი შანტაჟის ბოლო მექანიზმი, შანტაჟის ბოლო ტყვია, რომელ ტყვიასაც, ნებისმიერი ვინც ასეთი ბინძური თამაშის დროს გაისვრის ადრესატამდე არ მივა, – განაცხადა გადაცემაში „იმედი Live” საპარლამენტო უმრავლესობის ლიდერმა ირაკლი კირცხალიამ ვიზალიბერალიზაციით შანტაჟზე საუბრისას.
მისივე თქმით, შანტაჟის არ ეშინია არც ხელისუფლებას და არც საქართველოს მოსახლეობას.
„ეს დავამტკიცეთ და ეს დაამტკიცა ქართველი ხალხის უმრავლესობამ მეათედ. ჩვენს პოლიტიკურ გუნდს ჩვენი ქვეყნისთვის გვაქვს თავი გადადებული. ნებისმიერ პოლიტიკოსს ვინც მივიღეთ გადაწყვეტილება და ვდგავართ იქ, სადაც ვდგავართ და ვასრულებთ იმ დაკვეთას, რასაც ჩვენი საზოგადოება გვაძლევს, გაცნობიერებული გვაქვს რა ტიპის შანტაჟი შეიძლება წამოვიდეს პირადად ჩვენზე, ჩვენი ოჯახის წევრებზე და ეს ჩვენ ნაკლებად გვაინტერესებს. ჩვენ პირველ რიგში გვაინტერესებს ჩვენი ქვეყანა, ჩვენი ქვეყნის სიმშვიდე, ქვეყნის ეკონომიკური წინსვლა და განვითარება, რომელიც უნდა მოიმკას ჩვენი ქვეყნის თითოეულმა მოქალაქემ, ჩვენ ეს გვაინტერესებს და ავირჩიეთ მკაფიოდ მშვიდობის გზა და ამის გულისთვის გვეუბნებიან, რომ თურმე ჩვენ უნდა დაგვსაჯონ“, – განაცხადა ირაკლი კირცხალიამ.