[ქვეყნის ვალს და ფისკალურ რისკებს] მნიშვნელოვნად ამცირებს იქიდან გამომდინარე, რომ რისკიანობის მაჩვენებელი 25%-ზე მეტად არის შემცირებული საერთაშორისო ინვესტორების შეფასებით, – განაცხადა ფინანსთა მინისტრმა, ლაშა ხუციშვილმა გადაცემაში „დღის ქრონიკა“.
გადაცემის წამყვანმა ჰკითხა, 2021 წლის ობლიგაციების რეფინანსირება რამდენად ამცირებს ქვეყნის ვალს და ფისკალურ რისკებს.
„[ქვეყნის ვალს და ფისკალურ რისკებს] მნიშვნელოვნად ამცირებს იქიდან გამომდინარე, რომ რისკიანობის მაჩვენებელი 25%-ზე მეტად არის შემცირებული საერთაშორისო ინვესტორების შეფასებით. ბოლო პერიოდში მოვისმინეთ გარკვეული სპეკულაციები ოპონენტების მხრიდან თითქოს რთული იქნებოდა ევრობონდების გამოშვება, თუმცა ამ გამოშვებით ნათლად დამტკიცდა, რომ არა მხოლოდ მარტივად მოახდინა საქართველომ ევრობონდების რეფინანსირება, არამედ მოახდინა საუკეთესო პირობებით. ამას შედეგი თვალნათლივ აჩვენებს“, – აღნიშნა ხუციშვილმა.