გერმანიაში „ალტერნატივა გერმანიისთვის“ აგიტატორებს თავს დაესხნენ. ამის შესახებ გერმანული მედია წერს.
მედიის ცნობით, თავდასხმა მაშინ მოხდა, როცა არჩევნებამდე ერთი თვით ადრე, ბადენ-ვიურტემბერგის მხარეში ორი პირი აკრავდა ულტრამემარჯვენე პარტიის, „ალტერნატივა გერმანიისთვის“ პლაკატებს.
სიტყვიერი დაპირისპირების შემდეგ თავდამსხმელებმა სააგიტაციო ფურცლები წაიღეს და აგიტატორების წინააღმდეგ ცრემლსადენი გაზი გამოიყენეს.
პოლიციის ცნობით, აგიტატორებმა მსუბუქი დაზიანება მიიღეს და მათ დახმარება ადგილზე აღმოუჩინეს. მომხდარ ფაქტთან დაკავშირებით დაწყებულია გამოძიება და სამართალდამცველები ეძებენ მოწმეებს, რომლებსაც შეუძლიათ მიაწოდონ ინფორმაცია დამნაშავეების შესახებ.
შეგახსენებთ, მარტის თვეში ბადენ-ვიურტემბერგის მხარეში არჩევნებია ჩანიშნული.
კომენტარები