თეთრი სახლის პრესსპიკერმა, ქეროლაინ ლევიტმა განაცხადა, რომ კუბისთვის კარგი იქნება, თუ მნიშვნელოვან ცვლილებებს სწრაფად გაატარებს.
„როგორც სახელმწიფო მდივანმა, მარკო რუბიომ და თავად პრეზიდენტმა განაცხადეს, რა თქმა უნდა, ჩვენ გვსურს აყვავებული დემოკრატიები მსოფლიოში, განსაკუთრებით, ჩვენს ნახევარსფეროში. მე არ დავაკონკრეტებ, რა ქმედებებს გადადგამს შეერთებული შტატები ამ მიზნის მისაღწევად, მაგრამ, რა თქმა უნდა, აშშ-ის ინტერესშია, რომ კუბაში ნამდვილად თავისუფალი და აყვავებული დემოკრატია იყოს“, – განაცხადა ლევიტმა.
თეთრი სახლის პრესსპიკერის თქმით, კუბა ამჟამად „იშლება“ და სწორედ ამიტომ მიიჩნევენ, რომ, მათი ინტერესებიდან გამომდინარე, აუცილებელია „ძალიან მნიშვნელოვანი ცვლილებების“ განხორციელება.
„ვნახავთ, რას გადაწყვეტენ ისინი“, – აღნიშნა ქეროლაინ ლევიტმა.