სეულის სასამართლომ სამხრეთ კორეის ყოფილ პრეზიდენტს სამუდამო პატიმრობა მიუსაჯა. იუნ სოკ იოლი საომარი მდგომარეობის შემოღების მცდელობის საქმეზე კონსტიტუციური წესრიგის დარღვევისა და ამბოხის მუხლებით სცნეს დამნაშავედ. ინფორმაციას CNN ავრცელებს.
ბრალდების მხარე ქვეყნის ყოფილი პირველი პირისთვის უფრო მკაცრ განაჩენს, სიკვდილით დასჯას მოითხოვდა. მსჯავრდებულს განაჩენის გასაჩივრების უფლება აქვს.
2024 წლის დეკემბერში ბიუჯეტის შესახებ კანონის ირგვლივ განვითარებული მოვლენების გამო იუნ სოკ იოლმა მოულოდნელად ქვეყანაში საომარი მდგომარეობა გამოაცხადა, რაც ოპოზიციის “ანტისახელმწიფოებრივი მოღვაწეობით” ახსნა. მართალია სამხრეთ კორეის პრეზიდენტმა საკუთარი გადაწყვეტილება მეორე დღესვე გააუქმა, თუმცა ის თანამდებობიდან იმპიჩმენტის წესით გადააყენეს. ფაქტიდან მალევე ყოფილი პრეზიდენტი პოლიციამ დააკავა.