დიდი ბრიტანეთი ხმელთაშუა ზღვაში მეორე ხომალდის განლაგებას გეგმავს, – ინფორმაციას გაერთიანებული სამეფოს თავდაცვის სამინისტრო ადასტურებს.
მათივე ცნობით, გამანადგურებელი RFA Lyme Bay „აღმოსავლეთ ხმელთაშუა ზღვაში საზღვაო ამოცანებისთვის“ განლაგებისთვის ემზადება.
„გონივრული დაგეგმვის ფარგლებში ჩვენ მივიღეთ გადაწყვეტილება, რომ RFA Lyme Bay სიფრთხილის ზომების სახით გაძლიერებულ მზადყოფნაში მოვიყვანოთ, თუ ის აღმოსავლეთ ხმელთაშუა ზღვაში საზღვაო ამოცანებში დასახმარებლად იქნება საჭირო“, – განაცხადა სამინისტროს სპიკერმა.
მედიის ცნობით, Lyme Bay არის სადესანტო გემი, რომელიც აღჭურვილია საავიაციო პლატფორმის ფუნქციის შესასრულებლად და აქვს სამედიცინო ობიექტები. ის ხშირად გამოიყენება ჰუმანიტარული და კატასტროფების შედეგების აღმოფხვრის მისიებისთვის. იქამდე კი ბრიტანეთმა ხმელთაშუა ზღვაში ხომალდი HMS Dragon, Type 45 განალაგა.