საქართველოს პრემიერ-მინისტრი ირაკლი კობახიძე, მინისტრთა კაბინეტის წევრებთან ერთად, პარლამენტის თავმჯდომარის წლიურ ანგარიშს დაესწრო.
შალვა პაპუაშვილმა მიმდინარე მოწვევის პარლამენტის მიღწევებსა და კანონშემოქმედებით საქმიანობაზე, განხორციელებულ ინსტიტუციურ ცვლილებებზე ისაუბრა და აღნიშნა, რომ ახალი რეგლამენტის ამოქმედების შემდეგ, გაძლიერდა პარლამენტის საზედამხედველო ფუნქცია.
პარლამენტის თავმჯდომარემ ხაზი გაუსვა ეროვნული ინტერესების ერთგულებისა და სუვერენიტეტის დაცვის განსაკუთრებულ მნიშვნელობას სახელმწიფოებრივი დამოუკიდებლობისთვის და განაცხადა, რომ მმართველი გუნდის ხელისუფლებაში ყოფნა, მისი სიძლიერე და სიმტკიცე იყო, არის და იქნება ქვეყნის დაცულობისა და უსაფრთხოების მთავარი სტრატეგია, რომლის მანდატიც მას ქართველმა ხალხმა მიანიჭა.
კომენტარები