საბედნიეროდ, ქართული საზოგადოების აბსოლუტური უმრავლესობა კარგად ხედავს, ვინ არის გმირი, ვინ ანტიგმირი, ვის სურს საქართველოსთვის სიკეთე და ვის ბოროტება, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.
მისი თქმით, ზოგიერთებს სურდათ, ელენე ხოშტარიასთვის პოლიტპატიმრობის მანტია მოერგოთ მაშინ, როცა საპყრობილეში თავისი ნებით წავიდა.
„როდესაც გირაოს არ იხდი, ე.ი. მიზანი გაქვს, საპყრობილეში მოხვდე. სხვა საკითხია, ეს არის უცხოეთიდან, თუ შენი ნებით. ალბათ, უფრო უცხოეთიდან იყო, უთხრეს, საპყრობილეში შედი და ჩვენ პოლიტპატიმრობის მანტიას გამოგიგზავნითო. ვინ ვინ და ხოშტარია პოლიტიკურად განსხვავებული პოზიციებისთვის რომ არ არის საპყრობილეში, ყველამ კარგად იცის. მარტო ის რად ღირს, რომ თავად აღიარა, საწყობებში ჰქონდა პიროტექნიკა, ბენზინი, ბოთლები და ყველაფერი, რითაც უნდა დაეწვათ პოლიციელები, შტურმი განეხორციელებინათ პარლამენტზე და ა.შ. ეს ყველაფერი თვითონ აღიარეს და მტკიცებულებებიც ბევრი აღარ არის მოსაპოვებელი. ვითომ პოლიტპატიმრობის მანტია თავიდანვე განწირული იყო. ვინც დღეს იხდის სასჯელს, სწორედ სამართლებრივი ქმედებებიდან გამომდინარე იხდის. ელენე ხოშტარია არანაირი პოლიტიკური ოპონენტი არ არის, ჩვეულებრივი ხულიგანია“, – განაცხადა მაჭარაშვილმა.
თბილისის საქალაქო სასამართლომ „დროას“ ლიდერს, ელენე ხოშტარიას ერთი წლითა და ექვსი თვით თავისუფლების აღკვეთა შეუფარდა.