„მჯერა, რომ ამ პროცესის უკან არის რაღაც საკრალური, სულიერი. ის, რასაც განგება განაპირობებს. ასე, რომ ვფიქრობ ჩვენ სრული ნდობა უნდა გვქონდეს წმინდა სინოდის მიმართ, რომ ისინი გამოარჩევენ ისეთ ადამიანს საპატრიარქო ტახტისთვის, რომელიც ღირსეულად გაუძღვება ჩვენს ეკლესიას“, – ასე უპასუხა გადაცემაში „იმედი LIVE“ საქართველოს პარლამენტის თავმჯდომარე შალვა პაპუაშვილმა კითხვას, თუ როგორ პატრიარქს ისურვებდა.
პაპუაშვილის თქმით, ილია მეორემ განსაკუთრებული მემკვიდრეობა დატოვა, რომელიც ძალიან გააძლიერებს შემდეგ პატრიარქს.
„ჩვენ გვყავდა უნიკალური პატრიარქი, ილია მეორის სახით, რომელიც ნახევარი საუკუნე უძღვებოდა ჩვენს ეკლესიას, რომლის თაობაც ვართ ჩვენ სუყველა, თითოეული ვინც აქ ვართ. ჩვენ ვართ ის ადამიანები, რომლებიც მისი პატრიარქობისასაც მოვინათლეთ. ის ადამიანები, რომლებმაც ეკლესია, ქრისტიანობა მისი პატრიარქობის დროს შევიმეცნეთ. ასე, რომ განსაკუთრებული პატრიარქი იყო, ამავე დროს განსაკუთრებული მემკვიდრეობა დატოვა, რომელიც ვფიქრობ ძალიან გააძლიერებს შემდეგ პატრიარქს. ამიტომ, მე სრული ნდობა მაქვს წმინდა სინოდის, რომ გამოავლენს ყველაზე საუკეთესოს ამ განსაკუთრებული პასუხისმგებლობისთვის“, – აღნიშნა შალვა პაპუაშვილმა.