ე.წ. ელიავას ბაზრობაზე ხანძრის შედეგად დაზარალებულები საკუთარ მაღაზიებში შეუშვეს. დაზარალებულები მათ კუთვნილ ტერიტორიებს ათვალიერებენ, რათა შეძლონ ინფორმაციის მიღება იმის შესახებ თუ რა ოდენობის ზარალი მიიღეს.
შენობაში შესხვლას მოვაჭრეები დილიდან დილიდან უშედეგოდ ითხოვნენ, რის გამოც სამართალდამცავებსა და მოვაჭრეებს შორის სიტუაცია რამდენჯერმე დაიძაბა. დაზარალებულებმა პოლიციელების მიერ შექმნილი, ხელოვნური კორდონის გარღვევაც სცადეს.
„ელიავას“ ბაზრობის დამწვარი ობიექტების დაზარალებული მოვაჭრეების მთავარი ინტერესი, მიყენებული ზარალისა და გადარჩენილი პროდუქციის საკუთარი თვალით ნახვა იყო.
დღეს ასევე ჩანიშნულია შეხვედრა დაზარალებულებსა და ლაშა აბაშიძეს შორის. შეხვედრა დედაქალაქის მერიაში უნდა შედგეს, თუმცა ინფორმაციის მიღების შემდეგ, მოვაჭრეები მოითხოვდნენ აბაშიძე დამწვარ ტერიტორიასთან მისულიყო, რათა თითოეული დაზარალებულისთვის მოესმინა.