მოძრაობა “ეროვნულების” თავმჯდომარე სანდრო ბრეგაძე 14 ივლისს აღმაშენებლის გამზირზე ფართომასშტაბიან აქციას აანონსებს. აქციას “ქართველთა მარში” ერქმევა. აქციის მონაწილეების მოთხოვნა საემიგრაციო კანონის გამკაცრება, არალეგალი არაბი, ირანელი მოქალაქეების ქვეყნიდან დეპორტაცია და მათ მიერ საქართველოში გახსნილი იმ კლუბების დახურვაა, სადაც, ბრეგაძის თქმით, “ბავშვთა პროსტიტუციას აქვს ადგილი”. თემასთან დაკავშირებით პოლიტოლოგი გია მაისაშვილი კომენტარს აკეთებს:
“თბილისში რომ ვიყოპლეხანოვზე კი არ დავიწყებდი სირბილს და მკერდზე ყალბად მჯიღის ცემას, მთავრობას მოსთხოვეთ რომ სამართლებრივად და ცივილიზებულად გადაჭრას პრობლემა, ქვეყნის სასარგებლოდ და ადამიანის ღირსების დაცვით, თუ ეგეთი მაგრები ხართ. ქართული მარში და საყოველთაო პრესინგი კირუსების მავთულხლართებს სჭირდება. მე იქ წავიდოდი, ოღონდ ხალხს არ წავიყვანდი, ვერ ავიღებდი რუსებისგან შესაძლო სისხლის დაღვრის პასუხისმგებლობას თავზე. მარტო მივიდოდი, ევრო დელეგაციას გავაფრთხილებდი და ისე, თუ რუსი ისვრის, ჩემს სისხლზე მე ვარ პასუხისმგებელი. ასეთი სიკვდილით, ღიმილიანი მიუვიდოდი მამაჩემსაც და ჩემს გიგო პაპასაც იმ ქვეყნად-ორივე რუსეთის მუხანათობას ებრძოდა მთელი ცხოვრება. თან, ჩემს პატარა შალვას დავტოვებდი მამით ამაყს მუდამ. პლეხანოვზე ეგზალტირებული ჩავლა დიდი ვჟკაცობა არ მგონია რაღაც. ვაჟკაცობა და ქვეყნის სიყვარული მაღალ პროფესიონალიზმშია, მრავალი წლის მანძილზე, ბავშვობიდან ყოველდღიური მიზანმიმართული და გააზრებული შრომაა და არა გაჭირვებული ხალხის ინსტიქტებზე თამაში და ძალათ ძველბიჭობა. ჩემი ხალხი უფრო მეტია ვიდრე უმი ხორცის მომლოდინე ცხოველთა ხროვა. სიბრძნე და გამბედაობა, არა ამჩატება და ქვეშაფსიობა. აი, ეს ეკადრება ჩვენს შვილებს”, – წერს გია მაისაშვილი.