“ჩვენ უნდა გვახსოვდეს, რომ ყოველი ადამიანი საშიშროების წინაშე დგას”

 ადამიანმა უნდა დაინახოს კვალი უფლისა დედამიწაზე. ჩვენ უნდა გვახსოვდეს, რომ ყოველი ადამიანი საშიშროების წინაშე დგას, რომ არ გახდეს ბოროტი სულის მატარებელი, –  ამის შესახებ სრულიად საქართველოს კათოლიკოს-პატრიარქმა, უწმიდესმა და უნეტარესმა ილია მეორემ სამების საკათედრო ტაძარში ქადაგებისას განაცხადა.
როგორც პატრიარქმა აღნიშნა, ადამიანის გონება ვერასოდეს მისწვდა ღვთის განგებას, წყალობას და სიყვარულს.
“ადამიანმა უნდა იგრძნოს ღვთის დიდება, მისი წყალობა, მისი მოწყალება. ადამიანმა უნდა დაინახოს კვალი უფლისა დედამიწაზე. ჩვენ უნდა გვახსოვდეს, რომ ყოველი ადამიანი საშიშროების წინაშე დგას, რომ არ გახდეს ბოროტი სულის მატარებელი. ამიტომ, ყოველდღე უნდა ვიკითხოთ ლოცვები, ნაკურთხი წყალი ვასხუროთ ჩვენს ოთახებს და ამით დავიცავთ ჩვენს თავს”, – აღნიშნა პატრიარქმა.