რუსული დრონების ნამსხვრევების ჩამოვარდნის გამო რუმინეთის საგარეო საქმეთა სამინისტროში რუსეთის ელჩი დაიბარეს. საგარეო უწყების მიერ გავრცელებულ ინფორმაციაში ნათქვამია, რომ ბუქარესტი რუსეთს რუმინეთის საჰაერო სივრცის სუვერენიტეტის დარღვევაში ადანაშაულებს.
„რუსეთის ფედერაციამ რუმინეთის საჰაერო სივრცის სუვერენიტეტი დაარღვია და ამით ჩაიდინა კიდევ ერთი უპასუხისმგებლო ქმედება, რომელსაც შეეძლო, მოსახლეობისთვის საფრთხე შეექმნა. ეს პროვოკაციული ქმედებაა, რომელიც საერთაშორისო სამართლის პრინციპებს არღვევს. 4 წელია რუსეთი უკანონო ომს აწარმოებს უკრაინის წინააღმდეგ. ეს არა მხოლოდ სასტიკი იმპერიალისტური ქმედებაა, რომელიც სუვერენული მეზობლის დაპყრობას ისახავს მიზნად, არამედ რეგიონული და გლობალური მშვიდობისა და უსაფრთხოების დარღვევაც არის“, – ნათქვამია რუმინეთის საგარეო საქმეთა სამინისტროს განცხადებაში.
Din dispoziția ministrului afacerilor externe Oana Țoiu, Ambasadorul Federației Ruse la București va fi convocat astăzi la MAE ca urmare a prăbușirii, în cursul nopții trecute, în zona municipiului Galați, a unei drone rusești folosite în atacurile asupra infrastructurii civile…
— Ministry of Foreign Affairs of Romania 🇷🇴 (@MAERomania) April 25, 2026