თელავის რაიონის სოფელ ვარდისუბანში ავტოსაგზაო შემთხვევის შედეგად 4 ადამიანი დაშავდა. ამის შესახებ ინფორმაცია “პირველს” შს სამინისტროს პრეს-სამსახურის წარმომადგენელმა დაუდასტურა.
მომხდარზე გამოძიება საქართველოს სისხლის სამართლის კოდექსის 276 მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას ნიშნავს და ისჯება ჯარიმით, ან თავისუფლების შეზღუდვით ვადით 3 წლამდე, ანდა თავისუფლების აღკვეთით იმავე ვადით, თანამდებობის დაკავების, ან საქმიანობის უფლების ჩამორთმევით ვადით 3 წლამდე, ან უამისოდ.
კომენტარები