ზელენსკიმ პუტინს უნდა დაურეკოს. ამის შესახებ სლოვაკეთის პრემიერ-მინისტრმა, რობერტ ფიცომ სოციალურ ქსელში გამოქვეყნებულ ვიდეოში განაცხადა.
ფიცო აღნიშნავს, რომ პირადი საუბრის დროს, ზელენსკიმ გამოთქვა სურვილი, ნებისმიერ ფორმატში შეხვდეს პუტინს.
რობერტ ფიცომ ასევე განაცხადა, რომ ეს გზავნილი რუსულ მხარეს გადასცა.
„რუსეთის პრეზიდენტს უკრაინის პრეზიდენტ ვოლოდიმირ ზელენსკის მესიჯი გადავეცი. სომხეთში ჩვენი პირისპირ შეხვედრის დროს მან მითხრა, რომ მზად იყო პუტინთან ნებისმიერ ფორმატში შესახვედრად. პასუხი აშკარაა: უკრაინის პრეზიდენტი თუ შეხვედრით არის დაინტერესებული, ის რუს კოლეგას ტელეფონით უნდა დაუკავშირდეს“, – განაცხადა ფიცომ.
შეგახსენებთ, სლოვაკეთის პრემიერ-მინისტრი 9 მაისს რუსეთის პრეზიდენტ ვლადიმერ პუტინს მოსკოვში შეხვდა.
კომენტარები