საქართველოს პარლამენტის თავმჯდომარემ, შალვა პაპუაშვილმა უწმინდესსა და უნეტარესს, კათოლიკოს-პატრიარქ შიო მესამეს საპატრიარქო ტახტზე ასვლა მიულოცა.
როგორც პაპუაშვილმა აღნიშნა, მნიშვნელოვანია კათოლიკოს-პატრიარქ ილია მეორის ღვაწლი გაგრძელდეს.
„სრულიად საქართველოს ვულოცავ უწმინდესისა და უნეტარესის, კათოლიკოს-პატრიარქის, შიო მესამის ანდრია პირველწოდებულის წმინდა კათედრაზე ასვლას. ეს არის ისტორიული დღე, ისტორიული მომენტი, რომელიც იშვიათია ერისათვის. ყველას გვიხარია, რომ ვართ ამ მომენტის მოწმე. მინდა, მის უწმინდესობას და უნეტარესობას ვუსურვო, რომ ილია მეორეს ნახევარსაუკუნოვანი საქმე გაეგრძელებინოს. ჩვენ ვართ ბედნიერი, რომ ვართ ილია მეორის პერიოდში დაბადებული, გაზრდილი, ეკლესიაში მისული ადამიანები. ადამიანები, რომლებმაც იგრძნეს ის სულიერი კავშირი, რომელიც ილია მეორემ დაამყარა თითოეულ ქრისტიან ქართველს შორის. მნიშვნელოვანია ამ ღვაწლის გაგრძელება. ჩვენ ბედნიერი ვართ, რომ ვიწყებთ იმ წერტილიდან, სადაც ილია მეორემ სუდარაგადაფარებული ქართული ეკლესია კვლავ ააღორძინა, გააცოცხლა. ჩვენ, როგორც მრევლი შეგკვრა. ჩვენ ვართ იმ მომენტში, როდესაც ილია მეორემ დათესა და ჩვენ ვიმკით“, – განაცხადა პაპუაშვილმა.