ყალბი მედია როდესაც ამბობს, რომ ირანი სამხედრო თვალსაზრისით ჩვენ წინააღმდეგ კარგად მოქმედებს, ეს, ფაქტობრივად, ღალატია, რადგან ეს არის სრულიად მცდარი და აბსურდული განცხადება, – ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.
მისივე შეფასებით, ისინი მტერს ამხნევებენ და ეხმარებიან.
„ეს ირანს მხოლოდ ცრუ იმედს აძლევს, მაშინ როცა ასეთი იმედი საერთოდ არ უნდა არსებობდეს. ესენი არიან ამერიკელი ლაჩრები, რომლებიც საკუთარი ქვეყნის წინააღმდეგ იბრძვიან. ირანს თავის სამხედრო საზღვაო ძალებში 159 ხომალდი ჰყავდა – ახლა ყველა მათგანი ოკეანის ფსკერზეა. მათ აღარ ჰყავთ საზღვაო ფლოტი, მათი საჰაერო ძალები განადგურებულია, მთელი ტექნოლოგია გამქრალია, მათი „ლიდერები“ აღარ არიან ცოცხლები, ხოლო ქვეყანა ეკონომიკურ კატასტროფაშია. მხოლოდ ხელმოცარულებს, უმადურებსა და სულელებს შეუძლიათ ამერიკის წინააღმდეგ საქმის წამოწყება“, – წერს ტრამპი.