საქართველოს მართლმადიდებელი ეკლესია სვეტიცხოვლობას აღნიშნავს.
ამასთან დაკავშირებით საქართველოს ტაძრებში წირვა-ლოცვა შესრულდება.
საპატრიარქოს ინფორმაციით, მცხეთაში გასამგზავრებლად მსურველებისთვის ავტობუსები საპატრიარქოს მიმდებარე ტერიტორიიდან დღე,ს 08:30 საათზე გავლენ.
სრულიად საქართველოს კათალიკოს-პატრიარქი ლიტურგიას სწორედ მცხეთაში, სვეტიცხოვლის საკათედრო ტაძარში აღავლენს. სადღესასწაულო წირვა 10:00 საათზე დაიწყება.
სვეტიცხოვლობა, ანუ კრება წმიდათა დიდებულთა და ყოვლადქებულთა ათორმეტთა მოციქულთა, უძველესი დღესასწაულია. ცნობები ამ დღესასწაულის აღნიშვნის შესახებ IV საუკუნიდან მოიპოვება. სვეტიცხოვლობის დღესასწაული წელიწადში ორჯერ, 14 ოქტომბერს და 13 ივლისს აღინიშნება.
კომენტარები