უკრაინის პრეზიდენტის, ვოლოდიმირ ზელენსკის ოფისის ყოფილმა ხელმძღვანელმა, ანდრეი ერმაკმა, რომელსაც სასამართლომ კორუფციის საქმეზე 140 მილიონი გრივნის ოდენობის გირაო საპატიმრო უზრუნველყოფით შეუფარდა, განაცხადა, რომ მას ფული არ აქვს.
„ასეთი ფული მე არ მაქვს“, – განუცხადა ერმაკმა ჟურნალისტებს სასამართლო სხდომის დასრულების შემდეგ.
ზელენსკის ოფისის ყოფილმა ხელმძღვანელმა აგრეთვე დასძინა, რომ ის სასამართლოს გადაწყვეტილებას გაასაჩივრებს და სამართლიანობისთვის იბრძოლებს.
„დასამალი არაფერი მაქვს. ვფიქრობ, ჩემი დამცველი და ადვოკატთა ჯგუფი აპელაციას შეიტანენ. ჩვენ გამოვიყენეთ ყველა კანონიერ საფუძველს, რათა სამართლიანობასა და სიმართლეს მივაღწიოთ“, – განაცხადა ერმაკმა.
ცნობისთვის უკრაინის უმაღლესმა ანტიკორუფციულმა სასამართლომ ერმაკს კორუფციულ საქმეზე აღმკვეთი ღონისძიების სახით წინასწარი პატიმრობა შეუფარდა. სასამართლომ პატიმრობის ვადა 60 დღით განსაზღვრა. თუმცა, ერმაკს აქვს უფლება 140 მილიონი გრივნის გირაოს გადახდის შემთხვევაში საპატიმრო დატოვოს.