ისრაელმა ირანში ნავთობქიმიურ ქარხანაზე იერიში განახორციელა. მედიის ცნობით, ირანის სამხრეთ-დასავლეთ ქალაქ ბანდარ-ე მაჰშარში მდებარე Karun Petrochemical Company-ის ქარხანას ისრაელის მიერ ნასროლი ჭურვები მოხვდა.
ირანის საინფორმაციო სააგენტო Fars-ის ცნობით, ნავთობქიმიურ ქარხანაზე საჰაერო თავდასხმის შემდეგ ობიექტის ნაწილი დაზიანდა.
ამასთან, ისრაელის თავდაცვის ძალებმა განაცხადეს, რომ მათმა საჰაერო ძალებმა „რამდენიმე სამიზნეს დაარტყეს“.
ცნობისთვის, 7 ივნისს ირანმა ჩრდილოეთ ისრაელის მიმართულებით რაკეტების ტალღა გაუშვა. ბალისტიკური რაკეტების დაფიქსირების გამო ქვეყნის რამდენიმე ნაწილში საჰაერო განგაშის ხმა ისმოდა. ქვეყანამ ირანიდან გაშვებული ყველა რაკეტა გაანეიტრალა.
კომენტარები