პოლონეთის პრეზიდენტის კაროლ ნავროცკის კვალდაკვალ ჩეხეთის ხელისუფლებაც აპირებს, რომ უკრაინის პრეზიდენტს ვოლოდიმირ ზელენსკის ჩეხეთის სახელმწიფო ჯილდო „თეთრი ლომის“ ორდენი ჩამოართვას. ინფორმაციას ჩეხური მედია ავრცელებს.
ზელენსკისთვის ჯილდოს ჩამორთმევის ინიციატორი ჩეხეთის მმართველ კოალიციაში შემავალი პარტია „თავისუფლება და პირდაპირი დემოკრატია“ არის. პარტია განმარტავს, რომ ორდენის ჩამორთმევა საპასუხო რეაქცია უნდა იყოს სპეციალური ოპერაციების ძალების დანაყოფისთვის „უკრაინის მეამბოხე არმიის გმირების“ სახელის მინიჭებაზე.
მედიის ცნობით, ფრაქცია საკითხის კოალიციური საბჭოს სხდომაზე დაყენებას გეგმავს.
„ჩვენ არ შეგვიძლია გავჩუმდეთ, როცა ჩვენი უმაღლესი სახელმწიფო ჯილდო აქვს ადამიანს, რომელიც სამხედრო დანაყოფებს ნაცისტი მონსტრების სახელებს არქმევს“, – ნათქვამია პარტიის განცხადებაში.
ცნობისთვის, ივნისში პოლონეთის პრეზიდენტმა უკრაინის პრეზიდენტს ვოლოდიმირ ზელენსკის „თეთრი არწივის“ ორდენი ჩამოართვა. ასეთი გადაწყვეტილება განპირობებული იყო იმით, რომ ზელენსკიმ ერთ-ერთ უკრაინულ სამხედრო ქვედანაყოფს „უკრაინის მეამბოხე არმიის გმირების“ სახელი მიანიჭა. პოლონეთში ფიქრობენ, რომ „უკრაინის მეამბოხე არმია“ ვოლინის ტრაგედიასთან არის დაკავშირებული.
მოგვიანებით პროტესტის ნიშნად პოლონეთს სახელმწიფო ჯილდოები უკრაინის ხელისუფლების სხვა წარმომადგენლებმაც დაუბრუნეს.