2026 წელს ჩატარებული გამოკითხვის თანახმად, უკრაინის ზრდასრული მოსახლეობის 24% მიიჩნევს, რომ ქვეყანამ ბრძოლა გამარჯვებამდე უნდა გააგრძელოს, ხოლო 66%-ის აზრით, ომის დასრულების მიზნით მოლაპარაკებები რაც შეიძლება მალე უნდა დაიწყოს. საზოგადოებრივი აზრის კვლევის შედეგებს კომპანია Gallup-ი ავრცელებს.
კვლევის მიხედვით, აღნიშნული მაჩვენებლები 2025 წლის შედეგების თითქმის იდენტურია. ამასთან, ისინი მნიშვნელოვნად განსხვავდება 2022 წლის მონაცემებისგან, როდესაც სრულმასშტაბიანი ომის დაწყების შემდეგ გამოკითხულთა 73% ომის გაგრძელებას უჭერდა მხარს, ხოლო 22% სწრაფი სამშვიდობო მოლაპარაკებების დაწყებას ემხრობოდა.
Gallup-ის მონაცემებით, 2024 წლიდან მოყოლებული, მოლაპარაკებების გზით ომის დასრულების მომხრეები უკრაინაში უმრავლესობას წარმოადგენენ.
კვლევის ავტორები აღნიშნავენ, რომ უკრაინის აღმოსავლეთ ფრონტზე, სადაც ამჟამად მოსახლეობის 63% ომის სწრაფ დასრულებას უჭერს მხარს, ფრონტის ხაზი გასული წლის განმავლობაში მნიშვნელოვნად არ შეცვლილა, ხოლო საბრძოლო მოქმედებებში სულ უფრო დიდ როლს დრონები ასრულებენ. მათი შეფასებით, რუსული ძალების წინსვლის ტემპი ისტორიულად დაბალია, მიუხედავად დიდი დანაკარგებისა, უკრაინულმა ძალებმა კი ბოლო პერიოდში გარკვეული ტერიტორიების დაბრუნება შეძლეს.