აშშ-ის პრეზიდენტმა, დონალდ ტრამპმა თეოდორ რუზველტის საპრეზიდენტო ბიბლიოთეკაში გამართულ ღონისძიებაზე ხუმრობით განაცხადა, რომ სურდა, საკუთარი თავისთვისაც მიენიჭებინა კონგრესის საპატიო მედალი.
„იცით, მინდოდა, ერთი ჩემთვისაც გამომეყო, მაგრამ მეუბნებიან, რომ არ შემიძლია“, – აღნიშნა ტრამპმა.
ტრამპის თქმით, თავის ვაჟებსაც სთხოვა, მოეფიქრებინათ მიზეზი, რატომ იმსახურებდა ის სამხედროების უმაღლეს ჯილდოს, თუმცა მათაც ვერაფერი მოიფიქრეს.
„ასე რომ, დღეს მათით უკმაყოფილო ვარ“, – აღნიშნა აშშ-ის პრეზიდენტმა.
ცნობისთვის, დონალდ ტრამპმა თეოდორ რუზველტის კონგრესის საპატიო მედალი რუზველტის საპრეზიდენტო ბიბლიოთეკას გადასცა. მედალი წლების განმავლობაში თეთრ სახლში, რუზველტის ოთახში იყო განთავსებული. აშშ-ის პრეზიდენტის თქმით, ბიბლიოთეკა ჯილდოსთვის შესაფერისი ადგილი აღმოჩნდა.