საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი, ევროპარლამენტის მიერ საქართველოს და თურქეთის კრიტიკას ეხმიანება.
მისივე თქმით, თუ ევროკავშირი არ დაუბრუნდება იმ საწყისებს, რომლის მიხედვითაც თავის დროზე შეიქმნა, მასში გაწევრების მსურველთა რაოდენობა კიდევ უფრო შემცირდება.
„ამ უსამართლო თავდასხმას შეიძლება ერთი პასუხი გაეცეს, თუ არ დაუბრუნდება ევროკავშირი და ევრო ბიუროკრატია იმ ღირებულებებს, რა ღირებულებების გარშემოც შეიქმნა ევროკავშირი, თუ არ გახდება ევროკავშირი მშვიდობის პროექტი და სამართლიანი მიდგომებით არ ექნებათ ურთიერთობა კანდიდატ ქვეყნებთან, ეს მხოლოდ და მხოლოდ გააღრმავებს ევრო სკეპტიციზმს და ევროკავშირში გაწევრიანების მსურველთა რაოდენობა შემცირდება“, – აღნიშნა დავით მათიკაშვილმა.
ევროპარლამენტი საქართველოსა და თურქეთს დემოკრატიული უკუსვლის გამო აკრიტიკებს – საქართველოს შესახებ უარყოფითი ანგარიში რასა იუკნევიჩიენეს, თურქეთის შესახებ კი ნაჩო სანჩეს ამორის განცხადებებს ეფუძნება.