ჩვენი პოლიტიკა არ არის აგრესიული ჩარევა. ჩვენი პოლიტიკა არის, რომ ბაზრის საქციელიდან გამომდინარე, კერძო სექტორის საქციელიდან გამომდინარე, მათ შევუქმნათ საუკეთესო ფონი, რომ ჯანსაღი კონკურენცია იყოს და ისინი თანაბარ პირობებში იყვნენ. შემდეგ ბაზრის უხილავი ხელი განსაზღვრავს საუკეთესო ფასს, – განაცხადა გადაცემაში „იმედი LIVE“ ეკონომიკური პოლიტიკის საპარლამენტო კომიტეტის თავმჯდომარემ, შოთა ბერეკაშვილმა.
მისი თქმით, განსაკუთრებული ხელშეწყობა სჭირდება საშუალო და მცირე ბიზნესს.
„განსაკუთრებული მხარდაჭერა გვინდა გამოვუცხადოთ საშუალო და მცირე მწარმოებლებს. რადგან საშუალო და მცირე ბიზნესი არის ეკონომიკის განვითარების საფუძველი.
„არასამართლიანი ვაჭრობის დირექტივა“ ასეთი პრაქტიკა არსებობს ევროკავშირში, სადაც ადგილობრივ მწარმოებლებს აქვთ პრივილეგია ქსელებში თავიანთი პროდუქტის განთავსების. აქ განსაკუთრებით მნიშვნელობა აქვს ფასს და აქ უნდა მივეხმაროთ საშუალო და მცირე მწარმოებლებს, რომ მათი პროდუქტი, რომელსაც ისინი აწარმოებენ, არის კონკურენტუნარიანი. აქაც არის გამოწვევები, არის პრობლემები და გვინდა ჩვენ, რომ მათ მხარდაჭერა გამოვუცხადოთ.
არსებობს პროდუქტების კატეგორია, რომელიც ძალიან დეფიციტურია. იქ არც გადახდის პირობებია პრობლემა, არც თაროზე განთავსების პირობებია პრობლემა და წინასწარი გადახდებიც ხდება. მაგრამ არის ისეთი კატეგორია პროდუქტების, როდესაც მიწოდება იმდენად მაღალია და იმდენად დიდია და მოთხოვნა გაცილებით ნაკლები და თაროს ფართი მნიშვნელოვნად მცირე, აქ თვითონ კონკურენცია განსაზღვრავს და აგრესიული ჩარევა არასწორი იქნება. საერთო ჯამში, ჩვენი პოლიტიკა არ არის აგრესიული ჩარევა. ჩვენი პოლიტიკა არის, რომ ბაზრის საქციელიდან გამომდინარე, კერძო სექტორის საქციელიდან გამომდინარე, მათ შევუქმნათ საუკეთესო ფონი, რომ ჯანსაღი კონკურენცია იყოს და ისინი თანაბარ პირობებში იყვნენ. შემდეგ ბაზრის უხილავი ხელი განსაზღვრავს საუკეთესო ფასს“, – განაცხადა შოტა ბერეკაშვილმა.