თინა ბოკუჩავას განცხადებას, რომ პარტიის მაშინდელი თავმჯდომარის, ლევან ხაბეიშვილის შეცვლის მიზეზად დასახელებული ჯანმრთელობის მდგომარეობა რეალური არ იყო, სპორტის კომიტეტის თავმჯდომარის მოადგილე ზურაბ რურუა გამოეხმაურა. მისი თქმით, „ნაციონალური მოძრაობისთვის” ხალხის მოტყუება ჩვეული პრაქტიკაა, რაც თინა ბოკუჩავას აღიარებამ კიდევ ერთხელ დაადასტურა.
„თინა ბოკუჩავას აღიარება, რომ თურმე „ნაციონალური მოძრაობა” საზოგადოებას ატყუებდა ამდენი ხნის განმავლობაში, მათი ჩვეული პრაქტიკაა. ისინი ახლა თავმჯდომარეს რამდენჯერ შეცვლიან, რა დავალებას მიიღებენ გარედან, ჩვენი საზოგადოებისთვის უკვე საინტერესო არ არის. მეცოდებიან, ხავსს ეჭიდებიან და ხავსიც აღარ არის დარჩენილი ხელის მოკიდებისთვის“, – განაცხადა რურუამ.
„ნაციონალური მოძრაობის“ მოქმედმა თავმჯდომარემ, თინა ბოკუჩავამ „ფორმულას“ ეთერში განაცხადა:
„მინდა, საზოგადოებას ბოდიში მოვუხადო, რომ ორი წლის წინ ვერ ვიყავით გულწრფელი. საზოგადოებას ახსოვს, ლევან ხაბეიშვილის შეცვლის მიზეზად დასახელებული იყო ჯანმრთელობის მდგომარეობა, მაგრამ ეს არ იყო რეალური მიზეზი და ამაზე ორი წლის განმავლობაში არ ვსაუბრობდი“.