მინსკში გამართულ ტურნირზე, 100 კილოგრამამდე წონით კატეგორიაში მოასპარეზე ლიპარტელიანმა შეჯიბრი მაღალ დონეზე ჩაატარა. ინფორმაციას 1tv.ge ავრცელებს.
საქართველოს ძიუდოისტთა ნაკრების კაპიტანმა ყველა შეხვედრა დამაჯერებლად მოიგო. ლიპარტელიანმა ფინალში გამოცდილი და საკმაოდ ტიტულოვანი სპორტსმენი, ჰოლანდიელი მიხაელ კორელი დამატებით დროში, იპონით დაამარცხა.
საქართველოს ნაკრები, სრული შემადგენლობით უახლოეს დღეებში შეიკრიბება და მსოფლიოს ჩემპიონატისთვის დაიწყებს მზადებას. წლევანდელი წლის მთავარი ტურნირი აგვისტოს ბოლოს, უნგრეთში ჩატარდება.
კომენტარები